Тұрақты даму

Біздің көзқарасымыз
Біз жауапты бизнес жүргізу, инновациялар және серіктестік арқылы тұрақты дамуды қамтамасыз етіп, жаһандық оң өзгерістердің бір бөлігі болуға ұмтыламыз. Біз өсу мен экологиялық жауапкершілік қатар жүруі тиіс деп сенеміз.

2022 жылғы Тұрақты даму туралы есеп
2023 жылғы Тұрақты даму туралы есеп

БҰҰ-ның Жаһандық келісімі
«ҚазАзот» АҚ 2023 жылы БҰҰ-ның Жаһандық келісіміне ресми түрде қосылып, жауапты бизнес қағидаттарын ұстануға берілгендігін растады. Бұл адам құқықтары, еңбек, қоршаған ортаны қорғау және сыбайлас жемқорлыққа қарсы іс-қимыл салаларында жоғары стандарттарды ұстануға ұмтылатын әлемдік компанияларды біріктіретін тұрақты даму саласындағы маңызды халықаралық бастама.

Компания тұрақты даму стратегиясын әзірлеу кезінде БҰҰ-ның Жаһандық келісімінің 10 қағидатына, БҰҰ-ның 17 Тұрақты даму мақсаттарына (ТДМ) және мүдделі тараптардың пікірлеріне сүйенді. Бұл құжаттар мен күтулер компанияның тұрақты даму саясатының негізіне айналды және тұрақты тәжірибелерді барлық корпоративтік қызметтерге енгізуге жол көрсеткіш болды. Біз тұрақты дамуды корпоративтік мәдениеттің бір бөлігі және өңірдің әл-ауқатына қосқан үлес ретінде қарастырамыз.

2023–2030 стратегиясының презентациясын жүктеу (PDF)

БҰҰ-ның ТДМ-дарын қолдау
«ҚазАзот» АҚ ТДМ-ның маңыздылығын мойындайды және оларды іске асыруға белсенді қатысады. Біз оларды мемлекеттік саясатпен қатар жеке сектор үшін де маңызды бағдар ретінде қарастырамыз. ТДМ адам құқықтарын қамтамасыз етуге және экономикалық, әлеуметтік және экологиялық салалардағы көптеген міндеттерді қамтуға бағытталған.

Компания стратегиясына ТДМ-ды енгізу мыналарға мүмкіндік береді:

• Қазақстан Республикасының 2030 жылға дейінгі тұрақты даму мақсаттарына қол жеткізуге үлес қосу;
• Брендке деген сенімді арттыру;
• Клиенттер мен серіктестердің адалдығын күшейту;
• Инвестициялық тартымдылықты арттыру;
• Сатылым көлемі мен Компанияның капитализациясын ұлғайту.

Ішкі нормативтік құжаттар
Компанияда тұрақты даму қағидаттарын жүзеге асыру үшін ESG бағыттары бойынша — экология, қоғам және корпоративтік басқару — ішкі нормативтік құжаттар кешені енгізілді.

Экологиялық аспектілер (Environmental):

• Экологиялық менеджмент саясаты;
• Төмен көміртекті даму саясаты;
• Биологиялық әртүрлілікті сақтау саясаты;
• Су ресурстарын басқару саясаты;
• «Жасыл» қаржыландыру саласындағы саясат.

Әлеуметтік аспектілер (Social):

• Еңбекті қорғау және өндірістік қауіпсіздігі саласындағы саясат;
• Кадр саясаты;
• Қайырымдылық туралы саясаты;
• Өнім берушілердің мінез-құлқы кодексі;
• Өнімнің сапасы мен қауіпсіздігі саласындағы саясат
• Мүдделі тараптармен өзара іс-қимыл саясаты.

Корпоративтік басқару (Governance):

• Директорлар кеңесінің мүшелеріне сыйақы беру саясаты;
• Директорлар кеңесінің қызметін бағалау саясаты;
• Еңбек дауларын реттеу ережесі;
• Сыбайлас жемқорлыққа қарсы саясат;
• ESG жұмыс топтары туралы ережелер;
• Тұрақты даму жөніндегі комитет туралы ереже.